Төрийн захиргааны байгууллагын хувьд хэлэх зүйлгүй гэсэн ч иргэний нийгмийн байгууллагын зарим төлөөлел байр сууриа илэрхийлэв. Тухайлбал, “Эрс шинэчлэл” хөдөлгөөний тэргүүн Д.Энхбат:
-2007 оны наймдугаар сард “Бороо гоулд” ХХК-тай байгуулсан тогтвортой байдлын гэрээнд сүүлчийн өөрчлөлт орсон. Компанийн нийгэмд сурталчилж байгаагаар ямар нэг татварын хөнгөлөлт чөлөөлөлт эдлэхээ больсон гэж байгаа нь бодит байдалтай нийцэхгүй байна. Яагаад гэвэл зөвхөн аж ахуй нэгжийн орлогын албан татвар болон ашигт малтмалын нөөц ашигласны телбөрийн өөрчлелт орсон болохоос биш    2000   оны   тавдугаар   сард    орсон өөрчлөлтөөр тухайн үед үйлчилж байсан бүх татвар хураамжийг царцаасан нь үйлчилсээр байгаа. Тухайлбал, газрын болон усны төлбөрийн асуудал 1998 оны хэмжээгээр төлөгдсөөр байгаа. Усны төлбөрт миллиард шахуу төгрөгийн зөрүү гараад байгааг УИХ анхаарах хэрэгтэй. Нуруулдан уусгалтын үйлдвэрийг ашиглалтад хүлээлгэн өгөлгүй ажиллуулан 1222 кг алт олборлосон нь хууль зөрчсөн үйлдэл болох нь тогтоогдсоор байхад Сангийн яаманд дахин шалгахаар даалгаж байгааг ойлгохгүй байна. Нөхөн сэргээлт хийх зураг, төсөл нь ч батлагдаагүй байгааг анхаараххэрэгтэй.
Харин шалгуулсан компанийн Ерөнхийлөгч Жон Казаков “Бороо гоулд”-ын эсрэг олон сонирхолтой сөрег зүйлс, гүтгэлгийг сонслоо. Бид хуулийн дагуу үйл ажиллагаагаа явуулж ирсэн. Хяналт, шалгалтад үргэлж бэлэн байдаг” гэсэн юм. Ингэж хоёр талын тайлбарыг сонсох явцад ямар нэг байдлаар өөрсдийгөө хамгаалах гэсэн ширүүхэн мэтгэлцээн болж хувирахаар байв. Ажлын хэсгийн ахлагч Ж.Энхбаяр “Бороо гоулд”-ыг хуулийн дагуу тайлбар хийж байна гэдгийг ч тэмдэглэсэн. Гагцхүү энд мэтгэлцэх бус мэргэжлийн байгууллагуудын дүгнэлт, үнэлгээ хэсэг хугацааны дараа бэлэн болохыг хүлээх хэрэгтэй аж. Тэгээд ч үндсэндээ нөөц нь дуусч буй ордыг тойрч ингэж маргалдах бус ид яригдаж буй дэлхийн хэмжээний томоохон орд газруудаа ашиглахдаа   алдаагаа сургамж болгон ашиглах хэрэгтэйг онцолсон юм. Тиймээс ч “Бороо гоулд”-аас олон арав дахин том хөрөнгө оруулалтын ажил эхлэхэд манайхан хяналт шалгалт, боловсон хүчин, техник хэрэгсэл гээд бүхий л талаараа бэлэн эсэхийг анзаарах хэрэгтэй гэв. Харин ажлын хэсгийнхэн шалгуулсан талынханд хандаж бараг хүсэлт гэмээр нэг зүйл тавьсан нь усны төлбөрийн асуудлыг эргэж харах тухай байв. Өөрөөр хэлбэл, тонн усыг зургаан тегрөгөөр авдгаа ирээдүйд хөрөнгө оруулалт, нийгэмд эерэг хандлага төрүүлэх үүднээс өөрчлөх санал тавьсан юм.

Б.НОМИН